દિવ્ય ભાસ્કર

Jul 13, 2020, 09:17 PM IST

અમદાવાદ. હવે શહેરમાં કુલ 195 માઇક્રો કન્ટેનમેન્ટ વિસ્તાર થઈ ગયા છે. ગઇ કાલના 189 વિસ્તારમાંથી આજે 6 વિસ્તારને માઇક્રો કન્ટેનમેન્ટ ઝોનમાંથી મુક્ત કરવામાં આવ્યા છે. જ્યારે 12 નવા ઝોન ઉમેરવામાં આવ્યા છે. 12 નવા માઇક્રો કન્ટેનમેન્ટ વિસ્તારમાં સાઉથ ઝોનના 2 વિસ્તાર, ઇસ્ટના 2 વિસ્તાર, સેન્ટ્રલ ઝોનનો 1 વિસ્તાર, નોર્થ-વેસ્ટ ઝોનના 3 વિસ્તાર, સાઉથ-વેસ્ટ ઝોનના 2 વિસ્તાર, વેસ્ટ ઝોનના 2 વિસ્તારનો સમાવેશ થાય છે.મુક્ત કરવામાં આવેલા ઝોનમાં સાઉથ ઝોનના 2 વિસ્તાર, નોર્થ-વેસ્ટ ઝોનના 2 વિસ્તાર, સાઉથ-વેસ્ટ અને નોર્થ ઝોનના એક વિસ્તારનો સમાવેશ થાય છે.