[:en]ભાવનગરમાં રાત્રે સાડા ત્રણ કલાકમાં 3 ઈંચ વરસાદ, સૌરાષ્ટ્રનો સૌથી મોટો શેત્રુંજી ડેમ ઓવરફલો થવાની તૈયારીમાં[:]

[:en]

  • સૌરાષ્ટ્રના બીજા નંબરના ભાદર ડેમની સપાટી 31.50 ફૂટ પર પહોંચી
  • ભાવનગર જિલ્લામાં ધોધમાર વરસાદથી નીચાણવાળા વિસ્તારોમાં પાણી ભરાયા

દિવ્ય ભાસ્કર

Aug 18, 2020, 10:42 AM IST

રાજ્યમાં લો પ્રેશર અને સાયક્લોનિક સર્ક્યુલેશન સિસ્ટમ સક્રિય હોવાના કારણે 48 કલાકમાં ભારે વરસાદની આગાહી હવામાન વિભાગ દ્વારા કરવામાં આવી છે. જેના પગલે ભાવનગરમાં ગઈકાલે દિવસે વિરામ બાદ રાત્રીના સમયે ધોધમાર વરસાદ વરસ્યો હતો. પ્રથમ ધીમીધારે અને ત્યારબાદ ધોધમાર વરસાદ વરસ્યો હતો. રાત્રીના 12 વાગ્યા સુધીમાં સાડા ત્રણ કલાકમાં 3 ઈંચ વરસાદ વરસ્યો હતો અને વહેલી સવાર સુધી વરસાદ શરૂ રહ્યો હતો. ભાવનગર જિલ્લામાં સિઝનનો 78.81 ટકા વરસાદ નોંધાયો છે. સૌરાષ્ટ્રના સૌથી મોટો શેત્રુંજી ડેમ ઓવરફલો થવાની તૈયારીમાં છે.

ધોધમાર વરસાદથી ભાવનગરમાં રસ્તા પર પાણી ભરાયા હતા

ભાવનગર જિલ્લામાં રાત્રીના ધોધમાર વરસાદ વરસ્યો
રાત્રીના સમયે ભારે વરસાદ શરૂ થતાં શહેરના રસ્તાઓ પર પાણી ભરાયા હતા અને નીચાણવાળા વિસ્તારોમાં પાણી ભરાતા સ્થાનિક લોકો મુશ્કેલીમાં મૂકાયા હતા. ધોધમાર વરસાદથી વાતાવરણમાં ઠંડક પ્રસરી હતી. ભાવનગર જિલ્લાના સિહોર, ઉમરાળા, ઘોઘા અને વલ્લભીપુરમાં રાત્રીના સમયે વરસાદ વરસ્યો હતો. જેથી વાતાવરણમાં ઠંડક પ્રસરી હતી. વરસાદથી કપાસ, મગફળી સહિતના પાકને ફાયદો થશે.

શેત્રુંજી ડેમ ઓવરફ્લો થવાની તૈયારીમાં, ભાદર ડેમની સપાટી 31 ફૂટે પહોંચી
શેત્રુંજી ડેમની સપાટી 33.6 ફુટ પર પહોંચી છે અને 4181 ક્યુસેક આવક શરૂ છે. 6 ઈંચ પાણીની આવક થતાં ડેમ ઓવરફલો થશે. ડેમની કુલ સપાટી 34 ફુટ છે. જ્યારે સૌરાષ્ટ્રનો બીજા નંબરનો સૌથી મોટા ગણાતા ભાદર ડેમમાં પાણીની આવક શરૂ છે. ગોંડલ, લીલાખા પાસે આવેલા ભાદર ડેમમાં પાણીની સપાટી 31.50 ફૂટ પર પહોંચી છે. ભાદર ડેમની કુલ 34 ફૂટની સપાટી છે. આ ડેમ રાજકોટ જિલ્લાને પીવાનું પાણી પુરું પાડે છે.

નીચાણવાળા વિસ્તારમાં પાણી ભરાયા

ભાવનગર જિલ્લામાં 24 કલાકમાં નોંધાયેલો વરસાદ (MMમાં)
ભાવનગર- 87
સિહોર- 39
ઉમરાળા- 30
ઘોઘા- 20
વલ્લભીપુર- 18
પાલિતાણા- 07

(ભરત વ્યાસ, ભાવનગર/ દેવાંગ ભોજાણી, ગોંડલ)

[:]

1 Trackbacks & Pingbacks

  1. ભાવનગરમાં રાત્રે સાડા ત્રણ કલાકમાં 3 ઈંચ વરસાદ, સૌરાષ્ટ્રનો સૌથી મોટો શેત્રુંજી ડેમ ઓવરફલો થવાન

Leave a comment

Your email address will not be published.


*


%d bloggers like this: