[:en]દેશની તે હસ્તીઓ જે 2020માં અલવિદા કહી ગઈ: ઇરફાનની આંખોથી સુશાંતના સ્મિત સુધી, જેમની યાદ ચાહકોને હંમેશ માટે આવશે[:]

[:en]

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

11 મિનિટ પહેલા

  • કૉપી લિંક

એક છોકરો જેનું સ્મિત તેનાથી અલગ જ હતુ, એક યુવાન માણસ જેની આંખો બોલતી હતી, એક વડીલ જેણે વર્તમાન ભારતનું નિર્માણ જોયું હતું, એક સાધક જેની આલાપમાંસંગીત ઘોળાયેલુંહતું. વર્ષ 2020 ખૂબ જ નિર્દય નિકળ્યું. તેણે આપણાથી કેટલું બધુ છીનવી લીધું. હવે બચી છે તો ફક્ત યાદો, કિસ્સાઓ, વાતો અને વારસો. 2020 પસાર થવાની સાથે અમે 14 આવી સેલિબ્રિટીઝને યાદ કરી રહ્યા છીએ, જેઓ આ વર્ષે આપણણે છોડીને ચાલ્યા ગયા.

‘આગળના જન્મમાં ઘોડો નહીં, તમે આ જન્મમાં રાષ્ટ્રપતિ બનશો’

પ્રણવ મુખર્જીને મળવા તેમની બહેન અન્નપૂર્ણા દિલ્હી આવી હતી. પ્રણવ દાએ રાષ્ટ્રપતિ ભવનની બગ્ગીમાં બાંધેલ ઘોડો જોઇને પોતાની બહેનને કહ્યું- આ વૈભવી ભવનનો આનંદ ઉઠાવવા માટે આગળના જન્મમાં તેઓ ઘોડો બનવાનું પસંદ કરશે. આ સમયે, તેની બહેણે કહ્યું- આગળના જન્મમાં, ઘોડો નહીં, તમે આ જન્મમાં રાષ્ટ્રપતિ બનશો. વર્ષ 2012માં પ્રણવ મુખર્જી ભારતના 13માં રાષ્ટ્રપતિ તરીકે ચૂંટાયા હતા.

બગ્ગી પર સવાર પ્રણવ મુખર્જી.

બગ્ગી પર સવાર પ્રણવ મુખર્જી.

પ્રણવ દા નો જન્મ બંગાળના બીરભૂમ જિલ્લાના મીરાતી ગામમાં થયો હતો. છેલ્લા દિવસોમાં પ્રણવ દાની બ્રેન સર્જરી કરાઈ હતી, ત્યારબાદ તે કોરોના પોઝિટિવ મળ્યા હતા. તેના ફેફસામાં સંક્રમણ પણ લાગ્યું હતું. 85 વર્ષની ઉંમરે 31 ઓગસ્ટ 2020માં તેમણે અંતિમ શ્વાસ લીધા હતા.

“મને વિશ્વાસ છે કે, મેં આત્મસમર્પણ કરી લીધું છે”

“મને વિશ્વાસ છે કે, મેં આત્મસમર્પણ કરી લીધું છે”ઇરફાને કેન્સર સાથેની તેમની લડાઈ વિશે 2018માં લખેલા આ કેટલાક શબ્દો છે. આ આત્મસમર્પણમાં લગભગ બે વર્ષ બાદ એક સવારે તેનો શ્વાસ અટકી ગયો. તે ન્યુરોએન્ડ્રોક્રાઇન કેન્સર સામે લડી રહ્યો હતો.

ઇરફાને ‘હાસિલ’, ‘મકબુલ’, ‘લાઇફ ઇન એ મેટ્રો’, ‘ધ લંચ બોક્સ’, ‘પીકુ’, ‘તલવાર’ અને ‘હિન્દી મીડિયમ’ જેવી ઘણી તેજસ્વી ફિલ્મોમાં કામ કર્યું હતું. ‘પાન સિંહ તોમર’ માટે તેને રાષ્ટ્રીય એવોર્ડ અપાયો હતો.

‘અમારી કહાનીનો અંત થયો’

ઋષિ કપૂરના નિધન બાદ પત્ની નીતુએ તેને યાદ કરીને તેમને અંતિમ વિદાય આપી હતી. નીતુએ ઇન્સ્ટાગ્રામ પર ઋષિની એક તસવીર શેર કરી હતી જેમાં તેમણે વ્હિસ્કીનો ગ્લાસ હાથમાં પકડેલ હસતાં જોવા મળે છે. નીતુએ આ તસવીરના કેપ્શનમાં લખ્યું છે, ‘અમારી કહાનિનો અંત થયો.’

કેન્સર સામેની લડત લડતા 30 એપ્રિલે 68 વર્ષની વયે ઋષી કપૂરનું નિધન થયું હતું. ઋષી પોતાના પાછળ 5-દાયકા લાંબી અભિનય કારકિર્દીનો વારસો છોડી ગયા છે. તેણે 1973માં અભિનેતા તરીકેની કારકિર્દીની શરૂઆત ફિલ્મ ‘બોબી’ સાથે કરી હતી અને વર્ષ 2019માં તેની છેલ્લી ફિલ્મ ‘ધ બોડી’ રિલીજ થઈ હતી.

અભિનેતા જેણે ચંદ્ર પર પ્લોટ ખરીદ્યો

સુશાંતે 2018માં ચંદ્ર પર જમીન ખરીદી હતી. તેમનો આ પ્લોટ ‘સી ઓફ મસ્કોવી’ માં છે. રસપ્રદ વાત એ છે કે તેણે તેના પ્લોટ પર નજર રાખવા માટે ટેલિસ્કોપ પણ ખરીદ્યો હતો.તેની પાસે એડવાન્સ ટેલિસ્કોપ 14LX00 હતું. 14 જૂન 2020ના રોજ 34 વર્ષીય સુશાંત તેના રૂમમાં ગળે ફાંસો ખાઈ લટકતો મળી આવ્યો હતો.

‘દીવાના બનવું છે, તો દીવાના બનાવી દે’

પ્રખ્યાત શાસ્ત્રીય ગાયક પંડિત જસરાજે એક ઇન્ટરવ્યુમાં કહ્યું હતું કે, ‘હૈદરાબાદમાં દરરોજ શાળાએ જતા રસ્તામાં ત્યાં એક હોટેલ હતી, જ્યાં બેગમ અખ્તરગઝલ ગાય છે ‘દીવાના બનાને હૈ દીવાના દીવાના દે, નહીં તો તકદીર તમાશા ના બનાવી દે’. સાંભળાતી હતી. 28 જાન્યુઆરી 1930ના રોજ હરિયાણાના હિસારમાં જન્મેલા પંડિત જસરાજે 80 વર્ષથી વધુ શાસ્ત્રીય સંગીત આપ્યું હતું. તેમને પદ્મ વિભૂષણ સહિતના તમામ સન્માન આપવામાં આવ્યા હતા. જીવનના અંતિમ દિવસોમાં, તેઓ અમેરિકાના ન્યુજર્સીમાં હતા.

બેજાન દારુવાલાનો જન્મ 11 જુલાઈ 1931ના રોજ મુંબઇમાં થયો હતો. તે પારસી પરિવારના હતો. 2003માં બેજાન દારુવાલાએ તેમની જ્યોતિષીય વેબસાઇટ શરૂ કરી હતી. તેમણે દેશમાં જ્યોતિષ શાસ્ત્રનો એક ટ્રેન્ડ ઉભો કર્યો. 29 મે 2020ના રોજ તેમણે અંતિમ શ્વાસ લીધા. તમને કોરોના થયો હતો.

એસપી બાલાસુબ્રમણ્યમે એક કાર્યક્રમમાં કહ્યું હતું કે ‘મારું લક્ષ્ય ગાયક બનવાનું નહોતું. તે માત્ર એક અકસ્માત હતો. હું ખૂબ સારું ગાતો હતો, હું તે વાતથી સંમત છું. પણ મારે એન્જિનિયર બનવાની ઇચ્છા હતી. ‘ એસપીએ તેમની કારકિર્દી દરમિયાન 16 ભાષાઓમાં 40 હજારથી વધુ ગીતો ગાયા છે.

રાહત ઈન્દૌરીનો જન્મ મધ્યપ્રદેશના ઇન્દોરમાં એક ટેક્સટાઇલ મિલ કામદારના ઘરે થયો હતો. માત્ર 19 વર્ષની ઉંમરે તેમણે શાયરીની શરૂઆત કરી અને અંતિમ ક્ષણ સુધી સક્રિય રહ્યા. રાહતે બોલીવુડમાં ખુદ્દાર, મુન્નાભાઇ એમબીબીએસ, મર્ડર, ઇશ્ક જેવી ફિલ્મોમાં ઘણા ગીતો લખ્યા હતા. તેમને કોરોના થયો હતો, જેના પગલે હાર્ટ એટેકથી તેમની નિધન થયું હતું.

ગાંધી પરિવાર બાદ કોંગ્રેસના સૌથી મજબૂત નેતા

કોંગ્રેસના દિગ્ગજ નેતા અહેમદ પટેલનું 71 વર્ષની વયે 25 નવેમ્બરની સવારે નિધંઠયું હતું. તેઓને કોરોના પણ થયો હતો. તેમની રાજકીય કારકીર્દિના લગભગ 4 દાયકામાં, તેમણે ઇન્દિરા ગાંધીથી લઈને રાજીવ ગાંધી અને ત્યારબાદ સોનિયા ગાંધીના રાજકીય સલાહકાર રહ્યા હતા.

‘મારુ તો નામ જ રામ છે’

રામવિલાસ પાસવાનની રાજનીતિક સફર 1963માં ત્યારે શરૂ થઈ હતી, જ્યારે તેઓ સંયુક્ત સમાજવાદી પાર્ટીની ટિકિટ પર ચૂંટણી જીતીને બિહાર વિધાનસભાના સભ્ય બન્યા હતા.5 જુલાઈ, 1946ના રોજ ખગરીયાના દલિત પરિવારમાં જન્મેલા, રામ વિલાસ પાસવાન રાજકારણમાં જોડાતા પહેલા બિહાર વહીવટી સેવાના અધિકારી હતા.

ધર્મપાલસિંહ ગુલાટીનો જન્મ 27 માર્ચ 1923માં પાકિસ્તાનના સિયાલકોટમાં થયો હતો. ભાગલા સમયે તેમનો પરિવાર અમૃતસર સ્થળાંતર થયો. થોડા સમય પછી તેઓ પરિવાર સાથે દિલ્હી આવ્યા હતા જ્યારે તેઓ દિલ્હી આવ્યો ત્યારે તેમની પાસે માત્ર 1500 રૂપિયા હતા. તેમને રોજગારનું સંકટ હતું. 1500માંથી 650 રૂપિયામાં ઘોડા-ટાંગા ખરીદ્યો અને રેલ્વે સ્ટેશન પર તાંગા ચલાવવાનું કામ શરૂ કર્યું હતુ.

ધર્મપાલ ગુલાટીની મહેનતને કારણે આજે MDH લગભગ 2000 કરોડની બ્રાન્ડ બની ગય છે. MDHની આજે ભારત અને દુબઇમાં લગભગ 18 ફેક્ટરીઓ છે.

બળવાને કારણે કેશુભાઈ બંને વખત મુખ્યમંત્રીની મુદત પૂરી કરી શક્યા નહીં. 2001માં નરેન્દ્ર મોદીએ મુખ્યમંત્રી પદના શપથ લીધા અને મીડિયાને કહ્યું, ‘રાજ્યની સાચી દોર કેશુભાઇના હાથમાં જ છે. તેઓ જ ભાજપના રથને હંકારનારા સારથી છે. હું તેમને મદદ કરવા માટે ગિયરની જેમ જોડાયેલું છું.’ 29 ઓક્ટોબર 2020માં કેશુભાઇ પટેલનું નિધન થયું હતું.

‘મને દલાલ કહી શકો છો, પરંતુ સત્તા અપાવવાનું મારામાં ટેલેન્ટ છે.’

અમર સિંહે એક ટીવી ચેનલને આપેલા ઇન્ટરવ્યૂમાં કહ્યું હતું કે- ‘તમે સીધા શબ્દોમાં મને વચેટિયો અથવા દલાલ કહી શકો છો, પરંતુ મને ક્યારેય સત્તાની ટોચ પર પહોંચવાની ઇચ્છા નહોતી. હું સંબંધો અને સત્તાને સૌથી વધુ મહત્વ આપું છું. ‘ આવા નિવેદનોથી સ્પષ્ટ નેતા તરીકે અમરસિંહની છબી બની હતી. અમરસિંહનું 1 ઓગસ્ટના રોજ 64 વર્ષની વયે અવસાન થયું.

ભાડાની સાઇકલ લઈને ફરતા હતા

કોંગ્રેસના દિગ્ગજ નેતા મોતીલાલ વોરાનું 21 ડિસેમ્બરે અવસાન થયું હતું. તેમણે દિલ્હીની ફોર્ટિસ હોસ્પિટલમાં અંતિમ શ્વાસ લીધા હતા. તેઓ મધ્યપ્રદેશના બે વખત મુખ્યપ્રધાન રહ્યા હતા. 2000 થી 2018 સુધી તે પાર્ટીના કોષાધ્યક્ષ પણ હતા.

વરિષ્ઠ સંપાદક રમેશ નય્યરે કહ્યું કે, બધા મોતીલાલ મહેનતુ વ્યક્તિત્વના તારીખે ઓળખાતા હતા. પત્રકાર હોવા ઉપરાંત, મોતીલાલ વોરાએ દુર્ગ, રાજનાંદગાંવ પેટ્રોલ ડિસ્ટ્રિબ્યુશન અને પરિવહન કંપનીઓમાં પણ કામ કર્યું હતું. એક સમયે તે સાયકલ લઇને ફરતા હતા.

[:]

Be the first to comment on "[:en]દેશની તે હસ્તીઓ જે 2020માં અલવિદા કહી ગઈ: ઇરફાનની આંખોથી સુશાંતના સ્મિત સુધી, જેમની યાદ ચાહકોને હંમેશ માટે આવશે[:]"

Leave a comment

Your email address will not be published.


*


%d bloggers like this: