ઈતિહાસમાં આજે: ભારતને આઝાદી આપવાનું અંગ્રેજ વડાપ્રધાન એટલીએ કર્યુ હતું એલાન, સાઈમન કમિશન સાથે ભારત પણ આવ્યા હતા એટલી


  • Gujarati News
  • National
  • The British Prime Minister Announced That India Should Be Given Independence, So Much So That He Came To India With The Simon Commission.

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

10 મિનિટ પહેલા

  • કૉપી લિંક

આજના જ દિવસે 1947માં બ્રિટિશ વડાપ્રધાન ક્લેમેન્ટ એટલીએ ભારતને આઝાદી આપવાનું એલાન કર્યુ હતું. એટલીએ પોતાના એલાનમાં કહ્યું હતું કે 30 જૂન 1948 અગાઉ ભારતને આઝાદ કરી દેવાશે. 3 જૂન 1947ના રોજ નક્કી થયું કે 15 ઓગસ્ટ, 1947ના રોજ ભારતને આઝાદી આપી દેવામાં આવશે. આ જ દિવસે એ પણ નક્કી થયું કે આઝાદીની સાથે જ ભારતને ભારત અને પાકિસ્તાન તરીકે બે ભાગમાં વહેંચી દેવાશે.

એટલીના એલાનના છ મહિનાની અંદર જ 15 ઓગસ્ટ 1947ના રોજ દેશને આઝાદી મળી. ભારતની આઝાદીના એક દિવસ અગાઉ એટલે કે 14 ઓગસ્ટ 1947ના રોજ પાકિસ્તાન અસ્તિત્વમાં આવ્યું. એટલી 1928માં સાઈમન કમિશનની સાથે ભારત પણ આવ્યા હતા. એ સમયે તેઓ સાંસદ હતા. ભારતમાં બંધારણ સુધારાઓ માટે બનેલા આ કમિશનનો દેશમાં જોરદાર વિરોધ થયો હતો. જ્યારે એટલી આગળ જઈને બ્રિટનના વડાપ્રધાન બન્યા. તેમણે જુલાઈ 1945માં થયેલી સામાન્ય ચૂંટણીમાં કન્ઝર્વેટિવ કેન્ડિડેટ અને એ સમયના વડાપ્રધાન વિસ્ટન ચર્ચિલને હાર આપી હતી. ચર્ચિલ ભારતની આઝાદીના વિરોધમાં હતા પણ એટલી વડાપ્રધાન બન્યા પછી ભારતની આઝાદીનો માર્ગ ખૂલી ગયો.

કઈ રીતે થયું દેશનું વિભાજન?
વિભાજન માટે બે અધિકારી નિયુક્ત કરવામાં આવ્યા. એચ એમ પટેલ અને ચૌધરી મોહમ્મદ અલી. આ અધિકારીઓની નીચે પણ અનેક અધિકારી નિયુક્ત કરાયા હતા. અલી અને પટેલને બાકી તમામ અધિકારીઓ અલગ અલગ વિસ્તારોમાંથી રિપોર્ટ બનાવીને મોકલતા હતા. આ રિપોર્ટના આધારે બંને અધિકારી વિભાજનની ભલામણો તૈયાર કરતા હતા. તેને વિભાજન માટે બનેલી પાર્ટિશન કાઉન્સિલ પાસે મોકલવામાં આવતી હતી. આ કાઉન્સિલના અધ્યક્ષ હતા લોર્ડ માઉન્ટબેટન. આ જ ભલામણોના આધારે દેશની એક એક ચીજનું વિભાજન થયું.

પોપ સિંગર રિહાનાનો જન્મ
આજના જ દિવસે 1988માં પોપ સિંગર રિહાનાનો જન્મ થયો હતો. બાર્બાડોઝની રહેવાસી રિહાનાનું આખું નામ રોબિન રિહાના ફેન્ટી છે. રિહાનાના પિતા બાર્બાડોઝ, તો માતા ગુયાનાના રહેવાસી હતા. તેનું પ્રથમ આલબમ 2005માં આ્યું. પોતાના પ્રથમ બે આલબમથી જ દુનિયામાં છવાઈ ગઈ.
છેલ્લા કેટલાક સમયથી રિહાના ભારતમાં પણ ચર્ચામાં છે. વાસ્તવમાં, તે પોતાની એક સોશિયલ મીડિયા પોસ્ટના કારણે ચર્ચામાં આવી. તેમણે દિલ્હીમાં ચાલી રહેલા ખેડૂત આંદોલનને લઈને સોશિયલ મીડિયા પર પોસ્ટ મૂકી. આ પોસ્ટ પછી તે ખુદ વિવાદમાં આવી.

રિપોર્ટ્સમાં દાવો કરાયો કે ખેડૂત આંદોલન સાથે સંકળાયેલ પોસ્ટ મૂકવા માટે તેને કેનેડાની પીઆર ફર્મે 18 કરોડ રૂપિયા આપ્યા હતા, જે ખાલિસ્તાન સમર્થક સાથે સંકળાયેલ છે. બીજો વિવાદ તેની કંપની ફેન્ટી બ્યુટીની પ્રોડક્ટ્સ અંગે છે. આ માટે જરૂરી રૉ મટિરિયલનો મોટાભાગનો હિસ્સો ભારતમાંથી જાય છે. દાવો છે કે ભારતના ગરીબ ખેડૂતોના બાળકો ખાણમાં મજૂરી કરીને આ રૉ મટિરિયલ કાઢે છે.

ભારત અને દુનિયામાં 20 ફેબ્રુઆરીની મહત્વપૂર્ણ ઘટનાઓ આ પ્રકારે છેઃ

  • 2009ઃ સંયુક્ત રાષ્ટ્રે 20 ફેબ્રુઆરીને વિશ્વ સામાજિક ન્યાય દિવસ તરીકે મનાવવાની શરૂઆત કરી.
  • 1988ઃ બોલિવૂડ એક્ટ્રેસ જિયા ખાનનો જન્મ થયો. ગઝની, નિઃશબ્દ અને હાઉસફૂલ ફિલ્મમાં નજરે પડેલી જિયાનું જૂન 2013માં નિધન થયું.
  • 1987ઃ અરૂણાચલ પ્રદેશ અને મિઝોરમ રાજ્ય તરીકે અસ્તિત્વમાં આવ્યા.
  • 1986ઃ સોવિયેત સંઘે મીર અંતરિક્ષ કેન્દ્ર લોન્ચ કર્યુ. આ અત્યાર સુધીનું દુનિયાનું સૌથી મોટું અંતરિક્ષ કેન્દ્ર હતું.
  • 1983ઃ આસામમાં થનારી વિધાનસભા ચૂંટણી અગાઉ વ્યાપક રીતે હિંસા ફેલાઈ. આ હિંસામાં 600 લોકોનાં મોત થયા.
  • 1976ઃ ભારતીય ક્રિકેટર રોહન ગાવસ્કરનો જન્મ થયો.
  • 1962ઃ જોન એચ ગ્લેન અમેરિકાના પ્રથમ અંતરિક્ષ યાત્રી બન્યા. પ્રોજેક્ટ મર્કરી માટે નાસા દ્વારા પસંદ કરાયેલા સાત લોકોમાં ગ્લેન સૌથી વધુ વયના હતા.
  • 1950ઃ સ્વતંત્રતા સેનાની શરતચંદ્ર બોઝનું નિધન. શરતચંદ્ર દેશના મહાન સ્વતંત્રતા સેનાની નેતાજી સુભાષચંદ્ર બોઝના મોટાભાઈ હતા.
  • 1947ઃ લોર્ડ માઉન્ટબેટનને ભારતના અંતિમ વાઈસરોય બનાવાયા.
  • 1846ઃ સોબરૉનના યુદ્ધમાં શિખોની હાર પછી અંગ્રેજોએ લાહોર પર કબજો કરી લીધો.
  • 1835ઃ સ્ટુડન્ટ્સના એડમિશન સાથે કોલકાતા મેડિકલ કોલેજની શરૂઆત થઈ. આ કોલેજની સ્થાપના 28 જાન્યુઆરી, 1835ના રોજ થઈ હતી.

1 Trackbacks & Pingbacks

  1. ભારતને આઝાદી આપવાનું અંગ્રેજ વડાપ્રધાન એટલીએ કર્યુ હતું એલાન, સાઈમન કમિશન સાથે ભારત પણ આવ્યા હત

Leave a comment

Your email address will not be published.


*


%d bloggers like this: