આજના પોઝિટિવ સમાચાર: ધાનના સળગેલા ભૂસાને લીધે લોકોએ ટોણા માર્યા;અપશબ્દો કહ્યાં, હવે તે ભૂસાથી લાખો રૂપિયાની કમાણી કરે છે, વિદેશમાંથી પણ ઓર્ડર મળ્યા


  • Gujarati News
  • Dvb original
  • Due To The Burnt Husk Of Paddy, People Cast Sorcery; Said Insults, Now He Earns Millions Of Rupees From Husk, Also Got Orders From Abroad

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

કાલાહાંડી,ઓડિશા10 મિનિટ પહેલાલેખક: ઈન્દ્રભૂષણ મિશ્ર

  • કૉપી લિંક

ઓડિસામાં એક જિલ્લો છે કાલાહાંડી. ભુખમરાના સમાચારોને લઈ આ જિલ્લો હંમેશા ચર્ચામાં રહ્યો છે.અહીં રહેતા મોટાભાગના લોકો ગરીબ અને પછાત છે. આ જિલ્લાના રહેવાસી વિભૂ સાહૂ છે. વિભૂનું બાળપણ ખૂબ જ ગરીબીમાં પસાર થયું. પિતા મજૂરી કરતા હતા. વિભૂ પણ તેમને મદદ કરતો હતો. બાદમાં પોતાના ભાઈ સાથે એક દુકાન પર કામ કરવા લાગ્યો. સાથે અભ્યાસ પણ કરતો હતો. ગ્રેજ્યુએશન બાદ તેને નોકરી મળી ગઈ. એક સરકારી શાળામાં તે શિક્ષક બની ગયો, પણ આ કામમાં તેનું મન લાગ્યું નહીં.

તે પોતાના પગ પર કંઈક કરવા માંગતો હતો, જેથી અન્ય લોકોને પણ તે સારા પ્રમાણમાં રોજગારી આપી શકાય. 7 વર્ષ કામ કર્યાં બાદ છેવટે વર્ષ 2007માં તેણે નોકરી છોડી દીધી અને ધાન-ચોખાનો બિઝનેસ કરવાનો નિર્ણય લીધો. કારણ કે ઓડિશામાં મોટાપાયે ધાનની ખેતી થાય છે. કેટલાક વર્ષ કામ કર્યાં બાદ વિભૂને લાગ્યું કે જે સપનાને લઈ તે આ બિઝનેસમાં આવ્યો હતો, તે પૂરા કરી શકતો નથી. માટે બાદમાં વર્ષ 2017માં તેણે બેન્કમાંથી લોન લીધી અને પોતાની રાઈસ મિલની શરૂઆત કરી. આ બિઝનેસ ચલવા લાગ્યો. સારી કમાણી થવા લાગી. જોકે, કેટલાક મહિના બાદ એક નવી મુશ્કેલી સામે આવી પડી. હકીકતમાં વિભૂની રાઈસ મિલથી દરરોજ 3થી 4 ટન ભૂસાનું ઉત્પાદન થાય છે. તે આ ભૂસાને બહાર ફેકી દેતો હતો અથવા તો સળગાવી દેતો હતો. જ્યારે જોરથી પવન ફૂંકાય ત્યારે ભૂંસુ લોકોની આંખમાં પડતું હતું. લોકો તેને લઈ ફરિયાદ કરવા લાગ્યા. ઝઘડો થવા લાગતો. વિભૂ કહે છે કે મને સમજમાં આવતું ન હતું કે છેવટે શું કરું. ક્યારેક તો લાગતું હતું કે આ કામ જ બંધ કરી દઉં.

સતત ઈન્ટરનેટ પર સર્ચ કરતો રહ્યો, લોકો પાસેથી માહિતી એકત્રિત કરતો રહ્યો
જોકે, મે હાર માનવાને બદલે પ્રયત્ન જાળવી રાખ્યા. દિવસ-રાત સર્ચ કરતા રહ્યો હતો કે તેનાથી કેવી રીતે બચી શકાય છે. હું અનેક નિષ્ણાતોને મળી ચુક્યો હતો અને તેના ઉપાયો અંગે પૂછપરછ કરી હતી, પણ મને કોઈ અસરકારક ઉપાય જણાવી શકતું ન હતું. તે સમય દરમિયાન મને જાણ થઈ કે ધાનના સળગેલા ભૂસામાં મોટા પ્રમાણમાં સિલિકા જોવા મળે છે. ત્યારબાદ મે ઈન્ટરનેટ પર સર્ચ કરવાની શરૂઆત કરી તો સિલિકાનો ઉપયોગ શું છે, ક્યાં તેની માંગ હોય છે. જાણવા મળ્યું કે સ્ટીલ કંપનીઓ ઈન્સ્યુલેટર તરીકે સિલિકાનો ઉપયોગ કરે છે.

વિભૂ કહે છે કે અમે સૌથી પહેલા ભૂસુ એકત્રિત કરી છીએ, ત્યારબાદ તેમા કેટલાક કેમિકલ મિશ્રિત કરી છીએ, જેથી પેલેટ્સ બને છે

વિભૂ કહે છે કે અમે સૌથી પહેલા ભૂસુ એકત્રિત કરી છીએ, ત્યારબાદ તેમા કેટલાક કેમિકલ મિશ્રિત કરી છીએ, જેથી પેલેટ્સ બને છે

આ આઈડિયાને લઈ વિભૂએ કેટલીક કંપનીઓને મેઈલ મોકલ્યાં. કેટલાક દિવસ બાદ ઈજિપ્તની એક કંપની તેને રિપ્લાઈ આપ્યો અને મળવા માટે બોલાવ્યો. વર્ષ 2018માં વિભૂ ઈજીપ્ત ગયો અને કંપનીના મેનેજર સામે પોતાના સેમ્પલ રજૂ કર્યાં. કંપનીને સેમ્પલ પસંદ આવ્યા. તેમણે વિભૂને કહ્યું કે જો તમે તેને આ નાના-નાના પિસેજ સ્વરૃપમાં આપશો તો અમે કોન્ટ્રેક્ટ કરી શકીએ છીએ.

મોટા-મોટા એન્જીનિયર જે કરી શક્યા નહીં તે ગામના એક શ્રમિકે કરી બતાવ્યું
વિભૂ સામે અનેક નવા પડકારો હતા, આ ભૂસાથી નાના-નાના પેલેટ તૈયાર કર્યાં. તેણે ભારતમાં અનેક કંપનીઓનો સંપર્ક કર્યો. કેટલીક કંપનીઓએ તૈયારી દર્શાવી, પણ તે પેલેટ્સ નહીં બનાવી શકી. ત્યારબાદ વિભૂએ અનેક એન્જીનિયરોને પોતાને ત્યાં બોલાવ્યા. આ લોકોએ અનેક દિવસો સુધી તેના માટે મશીન તૈયાર કરવાનો પ્રયત્ન કર્યો, પણ તેમને સફળતા મળી નહીં. અનેક લોકોએ વિભૂને સલાહ આપી કે પોતાના સમય અને પૈસાનો વ્યય ન કરો. આ શક્ય નથી.

તે કહે છે કે એક બાજુ હું લોકોની ભૂલોથી પરેશાન હતો, બીજી બાજુ બેન્કોનું દેવું વધી રહ્યું હતું. જો કોઈ સોલ્યુશન્સ ન દેખાય તો રાઈસ મિલ બંધ કરવી પડે તેવી સ્થિતિ હતી. અને ત્યારે તો નોકરી પણ ન હતી. વિભૂએ નક્કી કર્યું કે આટલી જલ્દીથી તે હાર માનશે નહીં, અત્યારે વધુ પ્રયત્ન કરશે. તે સમયે તેને ત્યાં કામ કરતા રંજીત નામના એક શ્રમિકે આઈડિયા આપ્યો. તેણે કહ્યું કે હું ગામડે જઉં છું ત્યાંથી કેટલાક છોકરાઓને લાવું છું, જે માટીના વાસણ તૈયાર કરવાનું કામ કરે છે, તે ચોક્કસપણે કંઈ ઉકેલ મેળવશે.અને તે ગામ જતો રહ્યો. એક સપ્તાહ બાદ તેઓ કેટલાક છોકરા સાથે લઈ આવ્યા. આ લોકો રોજ નવી-નવી પદ્ધતિથી મશીન તૈયાર કરવાનો પ્રયત્ન કરતા રહ્યા. છેવટે તેમણે એક દિવસ પેલેટ તૈયાર કરનારું મશીન બનાવી જ દીધું.

કેવી રીતે તૈયાર કરે છે પેલેટ્સ?

વિભૂએ હરિપ્રિયા રિફ્રેક્ટરી નામથી પોતાની કંપની તૈયાર કરી છે. પ્રત્યેક મહિને ત્રણથી ચાર ટન પેલેટ્સ તેમની કંપની તૈયાર કરી છે

વિભૂએ હરિપ્રિયા રિફ્રેક્ટરી નામથી પોતાની કંપની તૈયાર કરી છે. પ્રત્યેક મહિને ત્રણથી ચાર ટન પેલેટ્સ તેમની કંપની તૈયાર કરી છે

વિભૂએ પોતાની જરૂરિયાતના હિસાબથી વેલ્ડર કારીગરોની મદદથી આશરે 10 મશીનો તૈયાર કર્યાં છે. આ મશીનોનો આકાર એવો છે કે જે ગામોમાં માટીના વાસણો તૈયાર કરવા માટે ચાકડાનો ઉપયોગ કરવામાં આવે છે. તે આ સ્થિતિનું એડવાન્સ સ્વરૂપ છે. તે કહે છે કે અમે સૌથી પહેલા ભૂસી એકત્રિત કરી છીએ, ત્યારબાદ તેમાં કેટલાક કેમિકલનું મિશ્રણ કરી છીએ. અલબત વિભૂને તેના પેટન્ટ પણ પ્રાપ્ત થઈ ચુકી છે. આ માટે તેઓ કયાં કેમિકલનું મિશ્રણ કરે છે તે અંગે માહિતી આપતા નથી. ત્યારબાદ સળગેલા ભૂસાને મશીનમાં નાંખવામાં આવે છે. જેથી નાના-નાના પેલેટ્સ નિકળે છે.

કેવી રીતે થાય થે માર્કેટીંગ?
વિભૂ કહે છે કે હું મારા પ્રોડક્ટના સેમ્પલ વિશ્વભરની અનેક મોટી મોટી કંપનીઓને મોકલું છું. અનેક જગ્યાએ હું જાતે જ સેમ્પલ રજૂ કરવા જઉં છું અને તે ઉપયોગ અંગે જાણકારી આપું છું. મોટાભાગના લોકો મારા પ્રોડક્ટ પસંદ કરે છે. ઈજિપ્ત, તાઈવાન અને સાઉદી અરેબિયામાં અમે અમારા પ્રોડક્ટ્સ મોકલી ચુક્યા છીએ. ભારતમાં પણ અનેક કંપનીઓને અમારા સેમ્પલ મોકલી ચુક્યો છું. કેટલીક કંપનીઓ સાથે અમારી ડીલ અંતિમ તબક્કામાં છે. આ વર્ષે જાન્યુઆરીમાં અમે 15 લાખ રૂપિયાના પ્રોડક્ટ તાઈવાન મોકલ્યા છે, જ્યારે વર્ષ 2019માં ઈજિપ્તમાં રૂપિયા 20 લાખના પ્રોડક્ટ્સ મોકલ્યા હતા.

હવે તેમણે હરિપ્રિયા રિફેક્ટરી નામથી પોતાની કંપની બનાવી છે. પ્રત્યેક મહિને ત્રણથી ચાર ટન પેલેટ્સ તેમની કંપની તૈયાર કરે છે. સાથે જ અન્ય રાઈસ મિલવાળા પણ ફ્રીમાં સળગેલા ભૂસા લે છે. વિભૂના મતે એક ટન પેલેટ તૈયાર કરવામાં 8થી 10 હજાર રૂપિયાનો ખર્ચ થાય છે. અને તે એક ટન પેલેટથી અઢી લાખ રૂપિયા સુધી કમાણી કરી લે છે. વિભૂએ 20થી 25 લોકોને રોજગારી પણ આપી છે.

વિભૂ કહે છે કે આ વર્ષે જાન્યુઆરીમાં અમે 15 લાખની પ્રોડક્ટ્સ તાઈવાન મોકલી છે

વિભૂ કહે છે કે આ વર્ષે જાન્યુઆરીમાં અમે 15 લાખની પ્રોડક્ટ્સ તાઈવાન મોકલી છે

ધાનની સળગેલા ભૂસાનો ઉપયોગ અને તેનો કારોબાર
સમગ્ર વિશ્વમાં પ્રત્યેક વર્ષ આશરે 50 કરોડ ટન ધાનનું ઉત્પાદન થાય છે. આ પૈકી સૌથી વધારે ચીન 30 ટકા, ભારત 24 ટકા, બાંગ્લાદેશ 7 ટકા, ઈન્ડોનેશિયા 7 ટકા અને વિયતનામ 5 ટકા ઉત્પાદન કરે છે. ભારતમાં પશ્ચિમ બંગાળ, ઉત્તર પ્રદેશ, પંજાબ, ઓડિશા, બિહાર અને છત્તીસગઢમાં ધાનનું ઉત્પાદન મોટાપાયે થાય છે. એક અહેવાલ પ્રમાણે એક ટન ધાનથી આશરે 40 લિકો સળગેલું ભૂસું નિકળે છે. તેમાં 90 ટકા સુધી સિલિકા ઉપલબ્ધ હોય છે.

સિલિકાનો ઉપયોગ મોટા સ્તર પર ટૂથપેસ્ટ, સિમેન્ટ, સિન્થેટીક રબર તૈયાર કરવા તથા મોટી મોટી ફેક્ટરિઓમાં ઈન્સ્યૂલેટર સ્વરૂપમાં થાય છે. જોકે, અત્યારે ભારત સહિત મોટાભાગના દેશોમાં સિલિકા સ્વરૂપમાં ભૂસાનો ઉપયોગ ઓછો થાય છે, આ માટે મોટા સ્તર પર સેન્ડ સ્ટોન્સનો ઉપયોગ કરવામાં આવે છે. એક અહેવાલ પ્રમાણે વર્ષ 2018માં વિશ્વભરમાં સિલિકાનું માર્કેટ 38 હજાર કરોડ રૂપિયાનું હતું. જ્યારે ભારતમાં તેનું માર્કેટ રૂપિયા 340 કરોડ રૂપિયાનું હતું. એટલે કે જો ધાનની સળગાવવામાં આવેલ ભૂસાથી સિલિકા તૈયાર થાય છે તો મોટાપાયે તેનો કારોબાર કરી શકાય છે. નોર્થ અમેરિકા, લેટિન અમેરિકા અને યુરોપના કેટલાક દેશોમાં દાનની સળગાવેલા ભૂસાનો ઉપયોગ કરવામાં આવે છે. ભારતમાં પણ કેટલાક લોકોએ પરાળીથી પૈસા બનાવવાનું કામ શરૂ કર્યું છે.

1 Trackbacks & Pingbacks

  1. ધાનના સળગેલા ભૂસાને લીધે લોકોએ ટોણા માર્યા;અપશબ્દો કહ્યાં, હવે તે ભૂસાથી લાખો રૂપિયાની કમાણી કર

Leave a comment

Your email address will not be published.


*


%d bloggers like this: